हेमा ह साबित कर दिस की वो भी कोई सुपर स्टार हीरोइन से कम नही हे : मोहित

रायपुर।

8 दिसंबर के जम्मो छत्तीसगढ़ के सिनिमा हाल म रिलीज होइस फिलिम गुइंया सुपरहिट हो गेहे अउ ऐकर सफलता के श्रेय फिलिम के निमार्ता मोहित साहू ह हीरो अमलेश नागेश व अभिनेत्री हेमा शुक्ला ल दे हवए। मोहित ह बतावत हवए कि हेमा शुक्ला के परिवार म कोने ह फिलिम लाइन ले जुड़े नइ हवए पर पहली बर वो हमर फिलिम गुइंया में काम करिस अउ आज अपन आप ला साबित कर दिस की वो भी कोई सुपर स्टार हीरोइन से कम नही हे।

अगर गुइन्या आज सुपर हिट होईस ता येमा भी हेमा के भी बहुत बड़े भूमिका हे और ऐकर लिए हेमा स्रेय के पात्र हे। बहुत लोगन मन बोलिस कि तुम कोन हीरोइन ला लेके आए हवव तुहर फिलिम ह नइ चल पाहि, लेकिन हेमा ह साबित कर दिस आऊ बोलइया मन के मुंह ल भी बंद कर दिस अपन बेहतरीन अभिनय से। अमलेश नागेश अऊ हेमा के जोड़ी ला भी हमर छत्तीसगढ़ी दर्शक मन ही इतना ज्यादा पसंद करथ हे कि फिलिम ह सुपरहिट होगे। दोनो के गाना कान के बाली मा भी जब सिनिमा हाल म चलथे तब पूरा सिनेमा हाल के लोगन मन नाचे के साथ – साथ गाना ला गाथे अइसने पहली बार होए हे।